პოპ-დივას ქალიშვილს 18 წელი შეუსრულდა. იუბილარს დედ-მამამ დაბადების დღე საჯაროდ მიულოცა. გოგონამ მამის ტანსაცმელი მოირგო და პროდიუსერთან ერთად იპოზირა. მამამ ქალიშვილის სურათი გამოაქვეყნა, სადაც მათ ერთნაირი სამოსი აცვიათ.
კახა მამულაშვილის გაზიარებულმა უსაყვარლესმა სურათმა დიდი ყურადღება მიიპყრო. მარიკო მალე სტუდენტი გახდება. როგორც ჩანს, გოგონა ფოტოგრაფიით არის გატაცებული. „18 წლის გახდა და ჩემ ტანსაცმელში გაჭიმული დამხვდა“ – ასე გამოეხმაურა „მამულიჩა“ მარიამთან გადაღებულ უახლეს სურათს.
ქართველი პოპ-დივა და მისი პროდიუსერი მრავალი წელია ოფიციალურად დაქორწინებული არიან. მათი ცალ-ცალკე ნახვა წარმოუდგენელია. ლელას და მამულიჩას ერთი ქალიშვილი ჰყავთ. თინეიჯერი მათ ურთიერთობას უფრო ამყარებს. ლელას და მის მეორე ნახევარს თაყვანისმცემლების არმია ჰყავთ. მამულიჩას და ლელას ყველაზე მეტად ის ახარებთ, რომ კომპოზიტორების და მათ მიერ შექმნილ სიმღერებს ახალგაზრდები და მათი თაობის ადამიანები ერთნაირად დიდი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს. მამულიჩას პირველი უიღბლო და ხანმოკლე ქორწინებიდან ერთი ვაჟი – ნიკოლოზი ჰყავს. სულ ცოტა ხნის წინ პროდიუსერი ბაბუა გახდა.
