წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ
1-10 თებერვალი
ამ პერიოდში მერწყულის ნიშნით იბადებიან - 21 იანვარი - 19 თებერვალი.
1-10 თებერვლის პერიოდი მერწყულის ნიშნის მეორე დეკადას განეკუთვნება.
ამ პერიოდში დაბადებული ადამიანების ხასიათს მერკური მართავს, ანიჭებს მათ სინაზეს, ემოციურობას, ჭკუასა და წინასწარმეტყველების უნარს. და ეს მათ მრავალი განსაცდელის თავიდან არიდებაში ეხმარება.
მნიშვნელოვანი წლებია: 10, 20, 42, 50, 60.
ამ პერიოდში დაბადებულთა სიმბოლოა - ფითრი.
ესენი არიან მომხიბლავი ადამიანები განსაკუთრებული შარმით. არიან შესანიშნავი, ვნებებით აღსავსე საყვარლები. იციან რა საკუთარი მომხიბლაობა, თავიანთ საუკეთესო თვისებებს ოსტატურად წარმოაჩენენ და იყენებენ ცხოვრებაში.
6 თებერვალს დაბადებულები
6 თებერვალს დაბადებულები მერყევი ადამიანები არიან, დაუცველი, არ შეუძლიათ თავის დაცვა მძიმე და უსამართლო სიტუაციებში, აკლიათ სითამამე. არ შეუძლიათ საკუთარი აზრის დაცვა და უფრო გამბედავი ადამიანების მანიპულაციების ობიექტი ხდებიან. ასეთი მერყევი ხასიათი მათ არცთუ ცოტა პრობლემას უქმნის, ეს მჟღავნდება შინაგან დისჰარმონიაში, დათრგუნვაში, რაც, საბოლოოდ, მათ ჯანმრთელობაზე აისახება. ამ დღეს დაბადებულებმა უნდა გამოიმუშაონ ცხოვრებისადმი მდგრადობა, სიმტკიცე, თავდაჯერებულობა, უნდა შეიცვალონ ხასიათი. თუ ამ ცვლილებებს შეძლებენ, გახდებიან ბედნიერი და მდიდარი ადამიანები. სხვაგვარად, ყოველ ფეხის ნაბიჯში ერთფეროვნება, სიძნელეები და იმედგაცრუებები ელოდებათ.
ზოდიაქოს ერთნაირი ნიშნების სასიყვარულო შეთავსებადობა>>
6 თებერვალს დაბადებულებისთვის აუცილებელია პოპულარობა და ამის მოპოვების უნარი მათ შესწევს. აღფრთოვანებული მზერა ამ დღეს დაბადებულებისთვის ჯადოსნურად მოქმედებს განსაკუთრებით მაშინ, როცა ეს მათთვის მნიშვნელოვანი ადამიანებიდან მოდის. გარედან გამოიყურებიან, როგორც ბედის ნებიერები. მაგრამ, სინამდვილეში, შექება მათთვის სტიმულის მიმცემია, რადგან არ არიან საკუთარ თავში და თავიანთ მნიშვნელობაში დარწმუნებული. ამ დღეს დაბადებულებისთვის ყველაზე მთავარი მოთხოვნაა - იყვნენ ვინმეს საყვარელი ადამიანი. მათი პოპულარობის საიდუმლო ორ კომპონენტში იმალება - სასიამოვნო გარეგნობასა და კომუნიკაბელურობაში.
ისინი საინტერესო აზრების გენერატორივით არიან და თავიანთ გარშემო იკრებენ ადამიანებს. ხანდახან გარშემომყოფთა მიმართ მინიმალური მოთხოვნები და ის, რომ ადვილად „ხელმისაწვდომი" ადამიანები არიან, მათთან მიმართებით ფამილარული დამოკიდებულების მიზეზი ხდება. ნდობა, რომლითაც მათ მიმართ გარშემომყოფები არიან გამსჭვალული, ვითარებათა არახელსაყრელი ნაკადის დროს ამ დღეს დაბადებულების ფარი და თანაშემწე ხდება. როგორც ამბობენ, ის, ვინც დიდებისკენ ისწრაფვის, საბოლოოდ ყველასგან დავიწყებული რჩება. ასე შეიძლება ითქვას 6 თებერვალს დაბადებულებზეც. როგორც კი საკუთარ არასათანადო შეფასებას შეიგრძნობენ, მაშინვე ამბიციები იპყრობთ. და სწორედ ამ ამბიციებზე უნდა გადააბიჯონ მათ, რომ საკუთარი მდგომარეობა აღადგინონ. ნაკლებად განვითარებული პიროვნებები ასე შორს არ მიდიან - იცვლიან შეხედულებებს, ეძებენ ახალ მეგობრებს ან იცვლიან გარეგნობას.
ზოდიაქოს ნიშნების მაგიური უნარები>>
ასეთი საქციელი მათთვის დამახასიათებელია; მცენარეთა მსგავსად, ისინი ისწრაფვიან მზის სხივისკენ, სითბოსკენ, ტკბობისკენ. უფრო განათლებული პიროვნებები შეცვლისკენ ასე ძლიერ არ მიილტვიან, მაგრამ საკუთარ შეხედულებებს ისინი არ ღალატობენ. მათი აღიარების წყურვილი შეიძლება ჩაცხრეს, თუ ამ დღეს დაბადებულები საკუთარ მნიშვნელობაზე და პიროვნებაზე, როგორც ოჯახის წევრზე, ისე მოახდენენ ყურადღების კონცენტრირებას. სანამ საყრდენ წერტილს არ იპოვიან, სხვადასხვანაირად ერთობიან. მათთვის ოპტიმალური ვარიანტი იქნება გარშემომყოფებთან ჰარმონიული ურთიერთობები. ეს მათთვის უბრალო ამოცანა არ არის, თუმცა, დროთა განმავლობაში ხვდებიან, რომ პატივისცემასაცა და ქებასაც თავისი ფასი აქვს და თუ რამეს არ გასცემ - ვერც მიიღებ.
ჯანმრთელობა
6 თებერვალს დაბადებულებისთვის, განსაკუთრებით მათთვის, ვისთვისაც იმიჯი საზოგადოებაში პირველხარისხოვანია, გარეგნობას ძალზე დიდი მნიშვნელობა აქვს. ჯანსაღი იერის შენარჩუნებაში მათ ნატურალური პროდუქტები და კოსმეტიკური საშუალებები დაეხმარება. ამ დღეს დაბადებულებმა არ უნდა შეწყვიტონ საკუთარ თავზე მუშაობა, მით უფრო, თუ გარშემო ბევრი გამაღიზიანებელი ფაქტორია. ამ დღეს დაბადებულები ბუნებამ ათლეტური აღნაგობით დააჯილდოვა, ამიტომ მათ ფიზიკური დატვირთვის ატანა კარგად შეუძლიათ. მათ ცხოვრებაში განსაკუთრებული ადგილი უკავია სექსუალურ თვითგამოხატვასა და მგრძნობიარე სფეროს, თუმცა, ვნებიანი სიყვარულისკენ სწრაფვაში ზომიერება უნდა გამოიჩინონ. მათი პიროვნული ზრდა და სულიერი განვითარება უფრო სწრაფი და ეფექტური იქნება, თუ ახლობლებთან ჰარმონიული ურთიერთობები ექნებათ.
როგორი საფულე უნდა შეარჩიონ ზოდიაქოს ნიშნების წარმომადგენლებმა>>
რჩევა:
გახსოვდეთ თქვენი საუკეთესო თვისებების შესახებ და სხვებს ყურს ნუ დაუგდებთ. იპოვეთ ჭეშმარიტი „მე". გახსნილი იყავით სამყაროს მიმართ. შინაგანი სიმდიდრის მოპოვება კარგ ნაყოფს მოიტანს.
