კალაძე: ავტომრბოლელებს ქუჩებში რბოლის ნაცვლად საკუთარი სივრცე ექნებათ
„ფედერაციას ექნება შესაძლებლობა, რომ რბოლები მოაწყონ არა ქალაქში, ცენტრალურ ქუჩებზე, არამედ მოეწყობა კონკრეტული ადგილი, თავისი მოწესრიგებული ინფრასტრუქტურით, სადაც ავტომობილების მოყვარულებს ექნებათ საკუთარი სივრცე“, – აღნიშნა კახა კალაძემ.
მერის თქმით, ქალაქში, განსაკუთრებით, ღამის საათებში ეწყობა ე.წ. რბოლები, რაც სერიოზული საფრთხის შემცველია, მნიშვნელოვან პრობლემას წარმოადგენს და დიდი დისკომფორტია ადამიანებისთვის, რომლებიც ღამით ისვენებენ.