საგაზაფხულო სესია: საქართველოს პარლამენტი 4 თებერვალს მუშაობას იწყებს

© photo: Sputnik / Stringerპარლამენტის სხდომა
პარლამენტის სხდომა - Sputnik საქართველო
გამოწერა
საგაზაფხულო სესიის ფარგლებში პარლამენტი მოისმენს საკანონმდებლო ორგანოს თავმჯდომარის, პრეზიდენტის, პრემიერ-მინისტრისა და სახალხო დამცველის წლიურ ანგარიშებს.

თბილისი, 3 თებერვალი — Sputnik. საქართველოს პარლამენტი 4 თებერვალს საგაზაფხულო სესიას ხსნის. 

მიტინგი რუსთაველზე - Sputnik საქართველო
ახალი საპროტესტო ტალღის მოლოდინში: ოპოზიციის გეგმები და ხელისუფლების რეაქცია

საკანონმდებლო ორგანოს პირველი სხდომა პოლიტიკური განცხადებებით დაიწყება, რის შემდეგაც დეპუტატები იმ კანონპროექტების განხილვას შეუდგებიან, რომლებიც პლენარული კვირის დღის წესრიგში დაამტკიცა პარლამენტის ბიურომ. 

საგაზაფხულო სესიის ფარგლებში პარლამენტი მოისმენს საკანონმდებლო ორგანოს თავმჯდომარის, პრეზიდენტის, პრემიერ-მინისტრისა და სახალხო დამცველის წლიურ ანგარიშებს, ასევე აირჩევს გენერალურ პროკურორსა და უზენაესი სასამართლოს თავმჯდომარეს. 

გამომდინარე იქიდან, რომ ოპოზიცია საპროტესტო აქციების განახლებას გეგმავს, საგაზაფხულო სესიის პირველი დღე პარლამენტისთვის მარტივი არ იქნება. ოპოზიციური პარტიების ლიდერებმა განაცხადეს, რომ პარლამენტის შენობის პიკეტირებას და მმართველი პარტიის დეპუტატებისთვის „სირცხვილის დერეფნის“ მოწყობას გეგმავენ. 

ოპოზიციის მოთხოვნები უცვლელია: დასრულდეს საარჩევნო რეფორმა და საპარლამენტო არჩევნები 2020 წელს პროპორციული სისტემით გაიმართოს.  

ყველა ახალი ამბავი
0