„პიჯაკით და შარვლით შეზლონგზე“ – რუსა ჩაჩუას მეუღლე დუბაის პლაჟზე ჩაცმული ირუჯება

მოდელი რუსა ჩაჩუა ოთხი შვილის დედაა. პირველი ქორწინებიდან ულამაზეს მოდელს ორი შვილი შეეძინა. მეორედ რუსა რამდენიმე წლის წინ გათხოვდა და ბიზნესმენ დიმა ნაფეტვარიძესთანაც ორი შვილი ჰყავს. უფროსი შვილი – 17 წლის ფეხბურთელი თაზო სახვაძეა და, როგორც რუსა ერთ-ერთ ინტერვიუში ამბობს, სიმპათიურ ბიჭს ძალიან დიდი გეგმები აქვს. მეორე შვილი – ნადია სახვაძე სკოლაში სწავლობს და პარალელურად „სუხიშვილების“ აკადემიაში ქართულ ხალხურ ცეკვებს ეუფლება. ნატაშა ნაფეტვარიძე 4 წლისაა, ხოლო მეოთხე ვაჟი ორი წლის ჰყავთ.

პოზიტიური წყვილი ერთად ხშირად მოგზაურობს. რუსა, თავის მხრივ, კურიოზული სიტუაციების გასაჯაროებას არ უშინდება. ამჯერად მოდელმა ობიექტივით მისი მეუღლის უჩვეულო ვითარება დააფიქსირა. ბიზნესმენი დუბაის პლაჟზე განსხვავებული "ლუქით" გამოჩნდა. ცხელი ამინდის მიუხედავად დიმა ნაფეტვრაძე სანაპიროზე შავებში გამოწყობილი, პიჯაკსა და შარვალში გამოჩნდა. მამაკაცი სიცხით არ შეწუხებულა. მან შეზლონგი მონახა, სათვალე მოხდენილად გაიკეთა, თავიდან ფეხებამდე თბილ ტანსაცმელში გამოეწყო და მზეს ასე მიეფიცხა. რუსკამ სურათს ხუმრობით „სანამ გათბა“ დააწერა.

რუსა ჩაჩუას თანამედროვე კონკიას უწოდებენ. „შემიძლია ვთქვა, რომ მის გვერდით პრინცესა ვარ“, – განაცხადა რუსამ დიმა ნაფეტვრაძესთან ქორწინების შემდეგ ერთ-ერთ ინტერვიუში. მიუხედავად იმისა, რომ რუსა პროფესიით მოდელი არ არის და პოდიუმზე არც ისე ხშირად ჩნდება, მას ფოტოსესიებში ხშირად იწვევენ, ვინაიდან მისი სილამაზე ეკრანს და ჟურნალების გარეკანებს ძალიან უხდება.