თბილისი, 25 იანვარი – Sputnik. საქართველოს საგარეო საქმეთა სამინისტრო თურქეთში მომხდარი მიწისძვრის გამო მწუხარებას გამოთქვამს.
6,8 მაგნიტუდის მიწისძვრა ქალაქ სივრიჯეს მახლობლად (ელაზიღის პროვინცია) პარასკევს ადგილობრივი დროით 20:55 საათზე მოხდა. ეპიცენტრი 7 კილომეტრის სიღრმეზე მდებარეობდა. გავრცელებული ინფორმაციით, 30 შენობა დაინგრა, ათეულობით შენობა დაზიანებულია. სულ მცირე 20 ადამიანი დაიღუპა და 1015 დაშავდა.
We would like to express our tremendous sympathy and sadness at the tragic earthquake in #Turkey. 🇬🇪 stands in full solidarity with our close ally and friend, we share grief of Turkish people and particularly families of victims and wish speedy recovery to all the injured
— MFA of Georgia (@MFAgovge) January 25, 2020
„გვსურს, გამოვხატოთ დიდი თანაგრძნობა და მწუხარება თურქეთში მომხდარ ტრაგიკულ მიწისძვრასთან დაკავშირებით. საქართველო სრულ სოლიდარობას უცხადებს ჩვენს ახლო მოკავშირესა და მეგობარს. ვიზიარებთ თურქი ხალხის, განსაკუთრებით დაღუპულების ოჯახების მწუხარებასა და ყველა დაშავებულს კი, სწრაფ გამოჯანმრთელებას ვუსურვებთ“, – აღნიშნულია განცხადებაში.
თურქეთში მიწისძვრის შედეგად დაღუპულთა რიცხვი 20-მდე გაიზარდა >>
ამავე დროს საქართველოს საგარეო საქმეთა სამინისტროში იუწყებიან, რომ თურქეთში დაშავებულთა და დაღუპულთა შორის საქართველოს მოქალაქეები არ არიან.
