2019 წელს ქართულ კომერციულ ბანკებში ელექტრონული სისტემებით ფულადი გადარიცხვების მოცულობა, 2018 წელთან შედარებით, 9,3%-ით გაიზარდა და 1,7 მლრდ დოლარზე მეტი შეადგინა, ნათქვამია საქართველოს ეროვნული ბანკის მასალებში.
საქართველოში ფულადი გადარიცხვების მოცულობით რუსეთი ლიდერობს. ამასთან, 2019 წელს რუსეთიდან საქართველოში ფულადი გადარიცხვები 6,6%-ით ნაკლები იყო, ვიდრე 2018 წლის იმავე პერიოდში. რუსეთიდან ფულადი გადარიცხვების საერთო მოცულობამ წლის განმავლობაში დაახლოებით 429 მლნ დოლარი შეადგინა, რაც ქართულ კომერციულ ბანკებში ელექტრონული სისტემებით ფულადი გადარიცხვების 24,7%-ია.
ლიდერი ქვეყნების ექვსეულში ასევე შედიან: იტალია, საბერძნეთი, აშშ, ისრაელი და თურქეთი.
2019 წელს საქართველოდან უცხოეთში გადაირიცხა დაახლოებით 237,4 მლნ დოლარი, რაც 2,8%-ით მეტია 2019 წლის მაჩვენებელთან შედარებით.
