წულუკიანი: ნინო ლომჯარია, ეს არის სახალხო დამცველი, რომელიც პატიმრებთან არ დადის
„ქალბატონო ნინო, ამ სამსახურს არ ჰქვია „პენიტენციალური“, ეს არის პენიტენციური სამსახური. გთავაზობთ, ტერმინებს გადახედოთ, როცა ასეთი მაღალი ტრიბუნიდან საუბრობთ. თქვენ წინაშეა სახალხო დამცველი, რომელიც, მესამე წელი დაიწყო, რაც ასრულებს თავის ფუნქციას. ეს არის სახალხო დამცველი, რომელიც პატიმრებთან არ დადის. 2019 წელს ქალბატონი ნინოს ჩვენთან მობრძანების და პატიმრებისთვის ხელი ჩამორთმევის რიცხვი არის ნული“, – აღნიშნა თეა წულუკიანმა.
მინისტრის განმარტებით, 2018 წელს ნინო ლომჯარია სულ ოთხჯერ იყო საპატიმროში, გასულ წელს კი საერთოდ არ ყოფილა.
