საქართველო ჩრდილოეთ ევროპის ქვეყნებში ყველაზე პოპულარულ ტურისტულ მიმართულებად დასახელდა

© Sputnik / Alexander Imedashviliტურისტები თბილისში
ტურისტები თბილისში - Sputnik საქართველო
გამოწერა
ჰელსინკიში მიმდინარე საერთაშორისო ტურისტულ ბაზრობაში საქართველოდან ცხრა ტურისტული კომპანია მონაწილეობს

თბილისი, 16 იანვარი – Sputnik. ჰელსინკიში საერთაშორისო ტურისტულ ბაზრობაზე MATKA 2020 სკანდინავიისა და ბალტიის ქვეყნების მცხოვრებლებს შორის საქართველო 2019 წლის Foreign Destination of the Year–ის ყველაზე პოპულარულ ტურისტულ მიმართულებად დასახელდა, ნათქვამია ფინეთში საქართველოს საელჩოს განცხადებაში.

საქართველოს ტურიზმის ადმინისტრაცია, უკვე ზედიზედ მესამე წელია, აქტიურად მონაწილეობს გამოფენაში. წელს საქართველოს სტენდზე ცხრა ტურისტული კომპანიაა წარმოდგენილი: Georgia in Contact, Caucasus Travel, World Express, Georgian Travel Group, Voyage Tours, APG, Iberia Tours Plus, აჭარის ტურიზმისა და ურორტების დეპარტამენტი, შპს „აჭარა–ტური“.

საქართველოს სტენდი გამოფენაზე Arabian Travel Market - Sputnik საქართველო
გამოფენა დუბაიში: საქართველო მდიდარ არაბ ტურისტებს იზიდავს

წელს გამოფენის სტუმართა რაოდენობა 80 ათასამდე გაიზარდა, ხოლო მონაწილეობა MATKA 2020–ში მსოფლიოს 86–მა ქვეყანამ მიიღო. გამოფენის მიზნობრივი აუდიტორიაა სკანდინავიისა და ბალტიის ქვეყნები.

აღსანიშნავია, რომ 2019 წელს ტურისტების რაოდენობა ფინეთიდან საქართველოში, 2018 წლის მაჩვენებელთან შედარებით, 17,7%–ით გაიზარდა.

MATKA Nordic Travel Fair – ესაა ჩრდიდლოეთ ევროპის დიდი ტურისტული მოვლენა, რომელიც იანვრის შუა რიცხვებში ფინეთში Messukeskus Helsinki–ში იმართება.

წელს გამოფენა პროფესიონალი შემსყიდველებისთვის MATKA Pro–ს ფარგლებში მიმდინარეობს 15–19 იანვარს და ფართო საზოგადოებისთვის– 17–19 იანვარს.

ყველა ახალი ამბავი
0