Праздничное оформление - Sputnik საქართველო
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

კესარია აბრამიძემ ლელა წურწუმიას იმიჯი შეუცვალა – როგორ გამოიყურება პოპ-დივა წითელი თმით

© Photo: Lela Tsurtsumia / FBლელა წურწუმია
ლელა წურწუმია - Sputnik საქართველო
გამოწერა
ფოტომოდელი კესარია აბრამიძე და ქართველი პოპ-დივა ლელა წურწუმია საუკეთესო მეგობრები არიან. კესარიამ შემსრულებელს თმები წითლად შეუღება. ნახეთ, როგორ გამოიყურება იმიჯშეცვლილი მომღერალი.

ლელა წურწუმიას წლების მანძილზე თმა შავად აქვს შეღებილი. მისი უცვლელი გარეგნობა უამრავ ადამიანს ხიბლავს. ელეგენტური, მომხიბლავი, მუდამ შარმიანი მომღერალი თვალისმომჭრელად არა მხოლოდ სოლო-კონცერტებზე, სხვადასხვა რეიტინგულ გადაცემაშიც გამოიყურება. ბოლო დროს განსაკუთრებულად აქტუალური ლელა წურწუმიას სახალისო ვიდეოები გახდა, სადაც პოპ-დივა ანეკდოტებს ჰყვება. მისი ქარიზმატული და იუმორით სავსე ვიდეოები უპრეცედენტო რაოდენობის ნახვას აგროვებს. ერთ-ერთ ვიდეოს, რომელშიც ლელა წურწუმია ვანო ჯავახიშვილის შოუს ეწვია, 3 მილიონამდე ნახვა აქვს. მაღალი რეიტინგისა და შესაბამისი დაინტერესების გამო იუმორისტმა ვანო ჯავახიშვილმა ლელა მეორედ მიიწვია. ამჯერად ტელეწამყვანმა ცნობილ მომღერალს წლის საუკუთესო სტუმრის ჯილდო გადასცა. „ეს ჩემთვის საუკეთესო ჯილდოა“, – აღნიშნა აღფრთოვანებულმა ლელამ.

ამჯერად მან მეგობარ კესარიას რეკომენდაციით იმიჯი შეიცვალა. პოპულარულმა ფოტომოდელმა ცნობილ მომღერალს თმა წითლად შეუღება. თუმცა, კესარიას მიერ გამოქვეყნებული მეორე Instagram-ის „სთორით“ თუ ვიმსჯელებთ, ლელამ შავი თმა შეინარჩუნა და ბუნებრივი პარიკები მოირგო. აღნიშნულმა ვიდეომ უამრავი ადამიანი დააბნია. როგორც ჩანს, პოპ-დივა ჩვეულ იმიჯს ვერ ელევა.
ყველასათვის საყვარელი პოპ-დივა წლიდან წლამდე არ იცვლება. ლელა წურწუმიამ კარიერა 90-იანებში დაიწყო. მომღერლის სიმღერები ახლაც ჰიტებია. მამულიჩას და ლელას ყველაზე მეტად ის ახარებთ, რომ სხვადასხვა პოპულარული კომპოზიტორის მიერ შექმნილ სიმღერებს ახალგაზრდები და მათი თაობის ადამიანები თანაბარი სიამოვნებით უსმენენ. ლელას სოლო-კონცერტების ბილეთებს სალაროებიდან იტაცებენ, პოპ-დივა აქტუალობას არ კარგავს.

ლელა წურწუმია სტილს არ ღალატობს, მიუხედავად ამისა თანამედროვეობას არ უშინდება. სოციალურ ქსელებში ბევრი ეხმაურება მის ექსპერიმენტებს – როგორც ჩაცმულობა, ასევე მაკიაჟი მუდამ გამორჩეული და დახვეწილი აქვს. ის სოციალურ ქსელში განსაკუთრებულად აქტუალური გახდა. აღსანიშნავია, რომ მას Instagram-ის ოფიციალური გვერდი გაუტეხეს, რის შედეგად უამრავი ფოტომასალა დაკარგა. ამ პრობლემის მიუხედავად ლელას სოციალური ქსელის დაბრუნების შემდეგ „ფოლოვერების“ რაოდენობამ იმატა და Instagram-ის ოფიციალური გვერდის ნიშანიც მიიღო. ახლა მომღერალს 149 ათასზე მეტი ხელმომწერი ჰყავს.

ყველა ახალი ამბავი
0