ჯანო ანანიძე კარიერას თურქეთში გააგრძელებს

გამოწერა
ქართველი ფეხბურთელი თურქეთის ჩემპიონატის სატურნირო ცხრილში მე-11 ადგილზე მყოფ გუნდში გააგრძელებს გამოსვლას.

თბილისი, 9 იანვარი — Sputnik. საქართველოს ნაკრებისა და მოსკოვის „სპარტაკის" შემტევი ნახევარმცველი ჯანო ანანიძე ტოვებს რუსეთს და თურქეთში გადადის, ამის შესახებ გაზეთი „ახალი თაობა" წერს.

ჯანო ანანიძე - Sputnik საქართველო
ჯანო ანანიძემ მატჩის დროს მეტოქეს პირველადი დახმარება აღმოუჩინა

სათამაშო სეზონის დასრულებამდე ანანიძე იჯარის უფლებით თურქულ „დენიზლისპორში" ითამაშებს. კლუბი ამჟამად თურქეთის ჩემპიონატში 22 ქულით მე-11 ადგილს იკავებს.

უახლოეს მატჩს თურქეთის თასის გათამაშებაში კლუბი „ტრაბზონის" წინააღმდეგ 16 იანვარს გამართავს.

27 წლის ჯანო ანანიძე „სპარტაკში" თითქმის 11 წელია თამაშობს – 2009 წლის 1 ივლისიდან, თუ არ ჩავთვლით ორ იჯარას – „როსტოვსა" და „კრილია სოვეტოვში". მოსკოვის კლუბის შემადგენლობაში ანანიძემ 16 გოლი გაიტანა.

„სპარტაკის" ოფიციალურ ვებ-გვერდზე განთავსებული ინფორმაციის თანახმად, ანანიძის კონტრაქტი კლუბთან 2021 წლის 30 ივნისს იწურება.

ყველა ახალი ამბავი
0