თბილისი, 8 იანვარი — Sputnik. პოლიციამ ცხელ კვალზე დააკავა 59 წლის მამაკაცი, რომელსაც მარტვილის მუნიციპალიტეტის სოფელ ტალერში მეზობლის მკვლელობა ედება ბრალად, ნათქვამია შსს-ს ვებ-გვერდზე გავრცელებულ განცხადებაში.
უწყების ინფორმაციით, თანასოფლელებს შორის ურთიერთშელაპარაკება მოხდა, რა დროსაც ბრალდებულმა მეზობელს დანით რამდენიმე ჭრილობა მიაყენა, რის შედეგადაც 40 წლამდე მამაკაცი გარდაიცვალა.
დაკავებული დანაშაულს აღიარებს. პოლიციამ დანაშაულის იარაღი – დანა ნივთმტკიცების სახით ამოიღო.
მომხდარ ფაქტზე გამოძიება სსკ-ის 108-ე "განზრახ მკვლელობის" მუხლით მიმდინარეობს, რაც შვიდიდან 15 წლამდე ვადით თავისუფლების აღკვეთას ითვალისწინებს.
