ახალი წლის წინ თბილისის ბაზრებში ათასობით ადამიანი იყრის თავს პროდუქტების შესაძენად. ადამიანები ამ დღეებში შეძლებისდაგვარად მეტს ხარჯავენ იმისთვის, რომ ნამდვილად საზეიმო და ლამაზი სუფრა გამოუვიდეთ. იხილეთ „Sputnik–საქართველოს“ ფოტოკადრები, რა ხდებოდა „ნავთლუღისა“ და „დეზერტირების“ ბაზრებში წინასაახალწლოდ, სადაც გამალებული ვაჭრობა ადრიანი დილით იწყება და გვიან ღამემდე გრძელდება.
მიუხედავად იმისა, რომ დიდი სუპერმარკეტები და სურსათის მაღაზიები თბილისის ყველა რაიონშია, ბაზრებში მაინც „მილეთის ხალხი“ ირეოდა. თუ გსურთ შეიგრძნოთ ეს კოლორიტი, ნახეთ ჩვენი ფოტოები.
წინასაახალწლოდ თბილისის ბაზრებს ათასობით ადამიანი სტუმრობს
ბაზარი გადაჭედილია პროდუქტით. მაგრამ ფრთხილად უნდა იყოთ, რათა არავინ მოგატყუოთ
ძველებურად დიდი მოთხოვნაა გოჭებზე, რომლებსაც ზოგი შინ წვავს და ზოგიც თონეში აწვევინებს
4/20
© Sputnik / Sergey Sitnikov
ამ თადარიგიან მამაკაცს უკვე შინ მიაქვს შებრაწული გოჭი
მოთხოვნაა ღორის თავებზეც, რომელიც ბევრ ოჯახში ასევე არის ახალი წლის სუფრის განუყრელი ნაწილი
ქართული სუფრისთვის დამახასიათებელია ხორციანი კერძები, ამიტომ ის დიდი რაოდენობით იყიდება არა მარტო საკუთრივ ბაზრებში, არამედ ქუჩებშიც კი
ბაზრებში გამალებული ვაჭრობა მიდის, მყიდველები და გამყიდველები ფასებზე იბრძვიან. გამარჯვებული ის რჩება, ვინც უფრო ჯიუტი აღმოჩნდება
8/20
© photo: Sputnik
ფასების ამბავი კი მართლაც რომ საინტერესოა. თუმცა არჩევანი ყოველთვის არის
აბა, სად გაგონილა საახალწლო სუფრა ინდაურის გარეშე?!
ეს ბიჭი კი ან უკვე შინისკენ მიიჩქარის, ან მყიდველისკენ მიარბენინებს ახლად დაკლულ ღორს
რა თქმა უნდა, ქორფა მწვანილი ბაზარში უნდა იყიდო - სულ სხვა არომატი აქვს
ტრადიციულად დიდი მოთხოვნაა ჩურჩხელებსა და გოზინაყზე
ხურმის ჩირს ასეთი რაოდენობით მხოლოდ წინასაახალწლოდ თუ ნახავთ ბაზრებში
პროდუქტების გვერდით ჩიჩილაკებიც იყიდება
ჩიჩილაკების გამყიდველებს მთელი რიგი უკავიათ. ცდილობენ, რაც შეიძლება ადრე გაასაღონ თავიანთი საქონელი, თორემ უშუალოდ ახალი წლის წინ ფასები ერთიორად ეცემა
16/20
© Sputnik / Sergey Sitnikov
ახალი წლის კიდევ ერთი აუცილებელი ატრიბუტი - ეს ახალი ცოცხია
ქამა სოკოსგან მომზადებული კერძებიც ძალიან პოპულარული გახდა ბოლო პერიოდში და ისიც ხვავიანად გამოაქვთ გასაყიდად
რა თქმა უნდა, მწვანილი სუპერმარკეტებშიც შეიძლება შეიძინოთ, მაგრამ ამბობენ, რომ ბაზარში უფრო იაფია
19/20
© photo: Sputnik
და როცა ბაზრის ორომტრიალიდან გამოაღწევ, თავს უკვე ვალმოხდილად და ბედნიერად გრძნობ
20/20
© photo: Sputnik / Stringer
პეტარდების ასეთი რაოდენობის შემხედვარე ხვდები, რომ ამ ახალ წელს დიდი ხმაური გველის
