თბილისი, 26 დეკემბერი — Sputnik. ბუნებრივი ნაძვის ხე სახლში სახიფათოა ჯანმრთელობისთვის, ასეთი დასკვნა მეცნიერთა ჯგუფმა მთელი რიგი კვლევების საფუძველზე გამოიტანა.
გაირკვა, რომ ნაძვის ხეს შეუძლია ხველების შეტევა გამოიწვიოს და, უფრო მეტიც, ასთმის პროვოცირებაც კი მოახდინოს.
მეცნიერთა თქმით, ბუნებრივ გარემოში გაზრდილ ხეებზე 50-ზე მეტი სახეობის ობის სპორები და მწერები გროვდება, და როდესაც ხე სითბოში ხვდება, ისინი ცოცხლდებიან და „მავნებლობას“ იწყებენ.
ექსპერტები ირწმუნებიან, რომ ბუნებაში ხეების 70% მწერებითა და ობის სპორებით დასნებოვნებულია.
სწავლულები ამბობენ, რომ თუ ადამიანი საკმარისად ჯანმრთელია, არანაირი პათოლოგია ან თანდაყოლილი დეფექტი არ აქვს, მაშინ მისი იმუნიტეტი თავისუფლად გაუმკლავდება ნაძვის ხის საფრთხეს. მიუხედავად ამისა, ექიმები გვირჩევენ, არ გავაჩეროთ ნაძვის ხე შინ ორ კვირაზე მეტხანს.
