თბილისი, 26 დეკემბერი — Sputnik. შუახევის მუნიციპალიტეტის ბარათაულის თემში სამი საცხოვრებელი სახლი დაიწვა, იუწყება პირველი არხი საგანგებო სიტუაციათა მართვის სამსახურზე დაყრდნობით.
გავრცელებული ინფორმაციით, ადგილზე ოთხი სახანძრო ბრიგადა იყო მობილიზებული. ცეცხლი მეოთხე სახლზეც გავრცელდა, თუმცა მისი გადარჩენა მოხერხდა.
შუახევის მერიის ინფორმაციით, ხანძრის შედეგად არავინ დაშავებულა, თუმცა ადამიანები უსახლკაროდ დარჩნენ.
დამწვარია დამხმარე ნაგებობებიც.
ბარათაულის თემში ხანძარი 24 დეკემბერსაც გაჩნდა. მაშინ ორი სახლი მთლიანად, მესამე კი ნაწილობრივ დაიწვა.
„პირველი არხის“ ინფორმაციით, დაზარალებულ ოჯახებს შუახევის მერია 15 ათასი ლარით დაეხმარება.
ამ დროისთვის ხანძარი ლოკალიზებულია. მიმდინარეობს სალიკვიდაციო სამუშაოები.
