თბილისი, 26 დეკემბერი — Sputnik. საქართველოს ორი მოქალაქე დაიღუპა ლიპეცკის ოლქში ავტობუსში მოსკოვი-თბილისი, დაშავებულთა რაოდენობა ზუსტდება, იუწყება РИА Новости რეგიონის საგანგებო სამსახურების წარმომადგენელზე დაყრდნობით.
ავტოავარია მოსკოვის დროით 18:40 საათზე М-4 „დონ“ ტრასის 356-ე კილომეტრზე, სტანოვლიანსკის რაიონის დასახლებული პუნქტ იარლუკინოს მახლობლად მოხდა.
ავტობუსში იმყოფებოდა 17 ადამიანი, ერთ-ერთი ბავშვია. დაშავებულთა რაოდენობა ზუსტდება.
„გადაბრუნდა ავტობუსი მოსკოვი-თბილისი. თავისით გადაბრუნდა, რადგან გზა მოყინულია. დაზუსტებული მონაცემებით, ავტობუსის ამოტრიალების შედეგად დაიღუპა ორი ადამიანი, კიდევ 16 ადამიანის დაზიანების ხარისხს ექიმები ადგენენ“, - განუცხადა სააგენტოს საგანგებო სამსახურის წარმომადგენელმა.
მისი თქმით, მძღოლი და 17 მგზავრი საქართველოს მოქალაქეები არიან.
