თბილისი, 22 დეკემბერი - Sputnik. ზუგდიდში, სუპერმარკეტში შაბათს მომხდარი ყაჩაღობის ფაქტზე ერთი პირი დააკავეს, იუწყება პირველი არხი.
შსს-ს ინფორმაციით, ზუგდიდის პოლიციის სამმართველოს თანამშრომლებმა დანაშაულის ჩადენიდან ცხელ კვალზე დააკავეს წარსულში ნასამართლევი, ზუგდიდის მუნიციპალიტეტის სოფელ დარჩელის მკვიდრი 22 წლის მამაკაცი.
გავრცელებული ინფორმაციით, შაბათს გამსახურდიას გამზირზე მდებარე ერთ-ერთ სუპერმარკეტში, ცივი იარაღით შეიარაღებული მამაკაცი შეიჭრა, 300 ლარამდე თანხა მუქარით წაართვა მოლარეს და ადგილიდან მიიმალა.
უწყების ცნობით, გამოძიება სსკ-ის 179-ე მუხლით მიმდინარეობს, რაც ყაჩაღობას გულისხმობს.
