თბილისი, 20 დეკემბერი — Sputnik. დიდი ბრიტანეთის პარლამენტმა მეორე მოსმენით დაუჭირა მხარი კანონპროექტს Brexit-ის შესახებ, იუწყება მასმედია პარასკევს გამართული კენჭისყრის შედეგებზე დაყრდნობით.
გავრცელებული ინფორმაციით, კანონპროექტს ხმა მისცა 358 დეპუტატმა 234-ის წინააღმდეგ.
მანამდე, პარასკევს ბრიტანეთის პრემიერ-მინისტრმა ბორის ჯონსონმა პარლამენტში კვლავ შეიტანა Brexit-ის შესახებ კანონპროექტი, რომელიც ქვეყნის ევროკავშირიდან გასვლას ითვალისწინებს 2020 წლის 31 იანვრამდე, და ასევე უარი გარდამავალი პერიოდის გახანგრძლივების შესახებ.
