თბილისი, 20 დეკემბერი — Sputnik. საქართველოს ფინანსთა სამინისტროს შემოსავლების სამსახურის თანამშრომლებმა სამეგრელოში დიდი ოდენობით უაქციზო სიგარეტის შენახვა-გადაზიდვის ფაქტი გამოავლინეს, ნათქვამია უწყების მიერ გავრცელებულ განცხადებაში.
სამართალდამცველებმა ქალაქ ფოთში, ზუგდიდსა და წალენჯიხის რაიონში, ასევე სოფელ რუხში, ყულიშკარში, ოდიშსა და ფახულანში დანაშაულში მხილებული პირებისგან სარეალიზაციოდ განკუთვნილი სხვადასხვა დასახელების, საერთო ჯამში 45 ათასამდე ღერი უაქციზო სიგარეტი ამოიღეს.
კანონდამრღვევ მოქალაქეებს გამოვლენილი პროდუქტი ჩამოერთვათ, საქმის მასალები კი საქართველოს ფინანსთა სამინისტროს საგამოძიებო სამსახურს გადაეცა შემდეგი რეაგირებისთვის.
