თბილისი, 18 დეკემბერი - Sputnik. პატიმრობიდან გათავისუფლებული ორი ქართველი მეზღვაური, რომლებიც ლიბიაში ორი წლის წინ დააკავეს, საქართველოში ხვალ დაბრუნდებიან, იუწყება პირველი არხი საზღვაო ტრანსპორტის სააგენტოს დირექტორის მოადგილეზე დაყრდნობით.
გენადი კომახიძე და რომან კაკალაძე თბილისში 11:10 საათზე იქნებიან.
ქართველი მეზღვაურები, რომლებიც ტანზანიის დროშით მცურავ გემზე იმყოფებოდნენ, ეკიპაჟის დანარჩენ წევრებთან ერთად 30 აგვისტოს ლიბიის წყლებში დააკავეს. გემი არალეგალური ტვირთის გადაზიდვაში ეჭვის საფუძველზე დააკავეს.
„ლიბიის მხარემ ყველანაირი ვადა დაარღვია როგორც სასჯელის გამოტანასთან დაკავშირებით, ასევე ბრალდების დამტკიცებაზე. ისინი წინასწარ პატიმრობაში ყოველგვარი დასაბუთების გარეშე იმყოფებოდნენ. ასევე, მათ გაუვიდათ პატიმრობის ვადა და ამის მერეც პატიმრობაში იმყოფებოდნენ. სანქცია, რომელიც დაეკისრათ, დაახლოებით მილიონზე მეტი, საქართველოს მიერ უზრუნველყოფილი ადვოკატის აქტიურმა ქმედებებით განულდა“, - განაცხადა ივანე აბაშიძემ.
მისი თქმით, მეზღვაურების გათავისუფლება საქართველოს შესაბამისი სტრუქტურების კოორდინირებული ღონისძიებების შედეგია.
