პროკურორთა საბჭომ გენპროკურორის კანდიდატები ერთი თვის განმავლობაში უნდა წარადგინოს

© photo: Sputnik / Alexander ImedashviliГлавная прокуратура Грузии
Главная прокуратура Грузии - Sputnik საქართველო
გამოწერა
საქართველოს გენერალურ პროკურორს პარლამენტი ექვსი წლით ირჩევს სამ კანდიდატს შორის, რომელთაც საკანონმდებლო ორგანოს პროკურორთა საბჭო წარუდგენს

თბილისი, 13 დეკემბერი - Sputnik. ერთი თვის განმავლობაში საქართველოს პროკურორთა საბჭომ პარლამენტს გენერალური პროკურორის თანამდებობაზე კანდიდატები უნდა წარუდგინოს, განუცხადა „Sputnik-საქართველოს“ იურისტმა, ყოფილმა მოსამართლე გიორგი ქოიავამ. 

პარლამენტის სხდომა - Sputnik საქართველო
საქართველოს უზენაეს სასამართლოს 12 ახალი მოსამართლე ჰყავს – ოპოზიციის პროტესტმა არ გაჭრა

გენერალური პროკურორის ადგილი მას შემდეგ გათავისუფლდა, რაც პარლამენტმა გუშინ საქართველოს უზენაესი სასამართლოს მოსამართლეები უვადოდ დაამტკიცა. დამტკიცებულ 14 მოსამართლეს შორის მოქმედი გენერალური პროკურორი ლაშვა თადუმაძეცაა.

„თადუმაძე პროკურორი აღარ არის იმ მომენტიდან, რაც პარლამენტმა იგი უზენაესი სასამართლოს მოსამართლედ დაამტკიცა. ახლა ერთი თვის განმავლობაში პროკურორთა საბჭომ პარლამენტს პროკურორის თანამდებობაზე მინიმუმ სამი კანდიდატი უნდა წარუდგინოს“, - აღნიშნა ქოიავამ.

გენერალური პროკურორის შერჩევისა და დანიშვნის პრინციპს პროკურატურის შესახებ კანონი და საქართველოს პარლამენტის რეგლამენტი განსაზღვრავს.

„გენერალურ პროკურორად შეიძლება იურისტის არჩევა მუშაობის სულ მცირე ხუთწლიანი სტაჟით. იმ შემთხვევაში, თუ პარლამენტი არ აირჩევს (გენერალურ პროკურორს წარდგენილი კანდიდატებიდან, - რედ.), პროკურორთა საბჭო კანდიდატების შერჩევას ხელახლა დაიწყებს. კანდიდატი, რომელსაც პარლამენტი არ დაამტკიცებს, ვეღარ იქნება წარდგენილი პარლამენტისთვის“, - აღნიშნა იურისტმა.

გენერალურ პროკურორს ექვსი წლის ვადით ირჩევენ. ერთი და იგივე პირის ზედიზედ ორჯერ არჩევა გენერალური პროკურორის თანამდებობაზე არ შეიძლება.

ყველა ახალი ამბავი
0