„ეს ქიმიური შეტევაა" – პარლამენტის თავმჯდომარე სხდომაზე მომხდარ ინციდენტზე

© photo: Archil Talakvadze / FBარჩილ თალაკვაძე
არჩილ თალაკვაძე - Sputnik საქართველო
გამოწერა
НовостиTelegram
საქართველოს პარლამენტის თავმჯდომარის განცხადებით, სხდომათა დარბაზში გავრცელებული მძაფრი სუნის გამო რამდენიმე ადამიანი შეუძლოდ გახდა და საავადმყოფოში გადაიყვანეს.

თბილისი, 12 დეკემბერი — Sputnik. ზაფხულში პარლამენტზე შტურმის მცდელობა იყო, ახლა კი, სავარაუდოდ, ქიმიური შეტევა განხორციელდა, განაცხადა საკანონმდებლო ორგანოს თავმჯდომარემ არჩილ თალაკვაძემ ჟურნალისტებთან.

პარლამენტის სხდომა - Sputnik საქართველო
ევაკუაცია პარლამენტში – ოპოზიციამ სხდომათა დარბაზში საეჭვო სითხე დაღვარა

ხუთშაბათს პლენარული სხდომების დარბაზში მძაფრი სუნი გავრცელდა, რომლის წარმომავლობასაც ექსპერტიზა დაადგენს. მმართველი პარტიის დეპუტატებმა თითი ოპოზიციისკენ გაიშვირეს, რომლებიც დილიდან ყველაფერს აკეთებენ იმისთვის, რათა პარლამენტში უზენაესი სასამართლოს მოსამართლეობის კანდიდატების კენჭისყრის საკითხი ჩავარდეს.

„ის, რაც სხდომათა დარბაზში მოხდა, ეს, სავარაუდოდ, არის ქიმიური თავდასხმა პარლამენტზე და პარლამენტის წევრებზე. სამწუხაროდ, ივნისში პარლამენტზე ძალადობრივი შეტევის შემდეგ, რასაც მოჰყვა სახელმწიფოს მხრიდან რეაგირება, დღეს ვნახეთ, სავარაუდოდ, ქიმიური შეტევა", – განაცხადა თალაკვაძემ მოგვიანებით ჟურნალისტებთან საუბრისას.

რამდენიმე ადამიანი მოიწამლა და სამედიცინო დაწესებულებაში გადაიყვანეს, ნაწილს კი სამედიცინო დახმარება ადგილზე უტარდება, დასძინა თალაკვაძემ.

ყველა ახალი ამბავი
0