თბილისი, 11 დეკემბერი — Sputnik. აღმოსავლეთ საქართველოში, ლაგოდეხთან 3,3 მაგნიტუდის მიწისძვრა მოხდა, ნათქვამია სეისმური მონიტორინგის ეროვნული ცენტრის განცხადებაში.
ბიძგები თბილისის დროით 10:30 საათზე დაფიქსირდა.
მიწისძვრის ეპიცენტრი ქალაქ ლაგოდეხიდან 14 კილომეტრით ჩრდილო-დასავლეთით, სოფელ ზემო ხეჩილთან იყო.
მიწისქვეშა ბიძგების ეპიცენტრი 27 კილომეტრის სიღრმეზე მდებარეობდა.
ნგრევისა და დაშავებულების შესახებ ინფორმაცია არ ვრცელდება.
