„ღმერთმა გამოაჯანმრთელოს“ – ზურა ხაჩიძე კლინიკიდან ხათუნა ჟორდანიას ფოტოს აქვეყნებს

თბილისი, 9 დეკემბერი — Sputnik. რამდენიმე დღის წინ მომღერალ ზურა ხაჩიძის მიერ Instagram-ზე გამოქვეყნებულმა ფოტომ, სადაც მისი მეუღლე ხათუნა ჟორდანია კლინიკაშია გადაღებული, საზოგადოების ინტერესი და შეშფოთება გამოწვია. აღმოჩნდა, რომ ხათუნა ჟორდანია უმძიმეს დაავადებას – ფილტვის სიმსივნეს ებრძვის.

როგორც მომღერალმა „რეიტინგს“ უთხრა, ხათუნა ისრაელში მკურნალობს, ორჯერ გაიკეთა ქიმიოთერაპია და ცოტა უკეთაა. დაავადების შესახებ კი შემთხვევით გაიგეს, როდესაც ხველების გამო ექიმთან მივიდნენ. ზურა ხაჩიძე საზოგადოებას სთხოვს, ხათუნასთვის ილოცონ.

რამდენიმე წუთის წინ ზურა ხაჩიძემ „ფეისბუქის“ პირად გვერდზე მეუღლესთან ერთად თოდუას კლინიკაში გადაღებული ფოტო გამოაქვეყნა და მას ჯანმრთელობა უსურვა.

წლების წინ ზურა ხაჩიძემ და ხათუნა ჟორდანიამ ერთმანეთი ნინი ქარსელაძისა და „ქუჩის ბიჭების“ ჰიტის ჩაწერისას გაიცნეს. ახლა მათ საერთო ქალიშვილი ანასტასია ხაჩიძე ჰყავთ. წყვილის დაქორწინება ჭორების მიუხედავად მყარი აღმოჩნდა. 6 თვის წინ ზურა ხაჩიძე სამცხე-ჯავახეთის გუბერნატორის მესამე მოადგილედ დაინიშნა. „Sputnik-საქართველო“ ხათუნა ჟორდანიას გამოჯანმრთელებას უსურვებს.