თბილისი, 9 დეკემბერი – Sputnik. ბათუმში პოლიცია ე.წ. მასაჟის სალონებში საგამოძიებო მოქმედებებს ატარებს, იუწყება პირველი არხი.
ბათუმში, გამსახურდიას ქუჩაზე, სადაც ე.წ. მასაჟის სალონებია განთავსებული, სამართალდამცველები სასამართლოს განჩინების საფუძველზე 12 ობიექტზე საგამოძიებო მოქმედებებს ატარებენ.
აჭარის პოლიციის დეპარტამენტში აცხადებენ, რომ საგამოძიებო მოქმედებები სსკ-ის 254-ე მუხლით დაწყებული გამოძიების ფარგლებში მიმდინარეობს, რაც პროსტიტუციისთვის ხელის შეწყობას გულისხმობს და 3-დან 6 წლამდე ვადით თავისუფლების აღკვეთას ითვალისწინებს.
ობიექტების თანამშრომლებს გამოკითხვაზე პოლიციის განყოფილებაში გადაიყვანენ.
გასული წლის ზაფხულში ბათუმში იგივე მუხლით ტაილანდის და ჩინეთის 12 მოქალაქე დააკავეს.
