თბილისი, 4 დეკემბერი – Sputnik. ღამის კოშმარებში განცდილი შიში რეალურ ცხოვრებაში ადამიანს სტრესთან გამკლავებაში ეხმარება – ასეთ დასკვნამდე მივიდნენ ჟენევის უნივერსიტეტის მკვლევარები, რომელთა ნაშრომი გამოაქვეყნა ჟურნალმა Human Brain Mapping.
კვლევაში 18 ადამიანი მონაწილეობდა. მეცნიერები აკვირდებოდნენ ადამიანის ტვინის აქტივობას ძილის დროს. დადგინდა, რომ როცა მათ კოშმარები ესიზმრებოდათ, აქტიურდებოდა ტვინის ის ნაწილები, რომლებიც სტრესზე იყვნენ პასუხისმგებელი.
შემდგომმა დაკვირვებებმა აჩვენა, რომ გაღვიძების შემდეგ ტვინის ეს უბნები კარგავდა აქტივობას – ადამიანები გაცილებით ნაკლებად რეაგირებდნენ სტრესზე.
აღსანიშნავია, რომ მანამდე კალიფორნიის უნივერსიტეტის სწავლულებმა დაადგინეს, რომ ღრმა (ნელი) ძილის არარსებობა ადამიანს სტრესის მიმართ მოწყვლადს ხდის და ზრდის შფოთვას.
