თბილისი, 27 ნოემბერი — Sputnik. საქართველოსა და უკრაინის მოქალაქეები გერმანიის ქალაქ ვარენდორფში მაღაზიაში ქურდობისთვის დააკავეს, იუწყება InfoRustavi ადგილობრივ მასმედიაზე დაყრდნობით.
გამოძიების ინფორმაციით 25 წლის ქართველმა მამაკაცმა უკრაინელი ქალის დახმარებით მაღაზიიდან სიგარეტი მოიპარა.
უკრაინის მოქალაქე მაღაზიის თანამშრომლებმა ადგილზევე დააკავეს და პოლიციას გადასცეს, ხოლო, რაც შეეხება ქართველ მამაკაცს, იგი შემთხვევის ადგილიდან მიიმალა, თუმცა სამართალდამცველებმა დამნაშავე ცხელ კვალზე დააკავეს.
დაკავებულების კუთვნილი ავტომობილის ჩხრეკისას პოლიციამ თითქმის ასი კოლოფი მოპარული სიგარეტი აღმოაჩინა.
