ზოიძე: შესაძლებელია, ამ მიმართულებით შერცხვენის კამპანია წავიდეს
„მინდა მივმართო ჩემს კოლეგებს, ექიმებს, სამედიცინო პერსონალს, რომ მაგალითი მისცენ, ან მაგალითი აიღონ ჩვეულებრივი მოქალაქეებისგან, რომლებიც გაცილებით დისციპლინირებულად იცავენ ამ კანონს. მივმართავ ასევე საგანმანათლებლო დაწესებულებების ადმინისტრაციებს, რომ მაქსიმალურად გაამკაცრონ კონტროლი“, – ამბობს აკაკი ზოიძე.
ჯანდაცვის კომიტეტის თავმჯდომარის განცხადებით, არსებობს დამოუკიდებელი მონიტორინგი ასეთი დაწესებულებების. ის სთავაზობს არასამთავრობო ორგანიზაციებს, გამოაქვეყნონ ის დაწესებულებები, სადაც აღნიშნული კანონი ირღვევა.
