რუსეთის პრემიერს მოლდოვასთან ურთიერთობებში დამატებითი იმპულსის იმედი აქვს

© photo: Sputnik / Ekaterina Shtukina / გადასვლა მედიაბანკშიდმიტრი მედვედევი
დმიტრი მედვედევი - Sputnik საქართველო
გამოწერა
იონ კიკუსთან შეხვედრაზე მედვედევმა აღნიშნა, რომ ეს ბოლო ექვსი წლის განმავლობაში მოლდოვის პრემიერის პირველი ვიზიტია რუსეთში და მან იმედი გამოთქვა, რომ შეხვედრა დამატებით იმპულსს მისცემს მათ ურთიერთობებს ყველა სფეროში.

თბილისი, 20 ნოემბერი – Sputnik. რუსეთის პრემიერ-მინისტრს დმიტრი მედვედევს იმედი აქვს, რომ მოლდოვასთან ურთიერთობებში გაშვებული შანსები ანაზღაურდება, იუწყება საინფორმაციო სააგენტო РИА Новости.

იონ კიკუსთან შეხვედრაზე მედვედევმა აღნიშნა, რომ ეს ბოლო ექვსი წლის განმავლობაში მოლდოვის პრემიერის პირველი ვიზიტია რუსეთში და მან იმედი გამოთქვა, რომ შეხვედრა დამატებით იმპულსს მისცემს მათ ურთიერთობებს ყველა სფეროში. 

იონ კიკუ - Sputnik საქართველო
ვინ არის მოლდოვის პრემიერობის კანდიდატი

იონ კიკუმ, თავის მხრივ, შენიშნა, რომ ვიზიტი უკავშირდება არა მარტო ორი ქვეყნის მთავრობებს შორის დიალოგის არარსებობას ხანგრძლივი დროის განმავლობაში, არამედ ორი ხალხის სიახლოვესა და ტრადიციულ მეგობრულ ურთიერთობებს.   

მისი თქმით, რუსეთსა და მოლდოვას ინვესტიციებისა და სოციალური პოლიტიკის სფეროებში საერთო ხედვა აკავშირებს. 

„მე ჩამოვედი იმისთვის, რომ აღდგეს დიალოგი ჩვენს მთავრობებს შორის თანამშრომლობის ბევრ ასპექტში. დაგროვდა ძალიან ბევრი პრობლემა. მიმაჩნია, რომ საქმიანი, პატიოსანი დიალოგის პირობებში შესაძლებელია არსებული პრობლემების გადაჭრა, ვაჭრობისა და ეკონომიკური თანამშრომლობისთვის იმპულსის მიცემა და ჰუმანიტარული თუ კულტურული თანამშრომლობა“, — განაცხადა მოლდოვის პრემიერმა.

დმიტრი მედვედევმა მიულოცა იონ კიკუს პრემიერ-მინისტრის თანამდებობაზე დანიშვნა და წარმატება უსურვა საქმიანობაში.

 

ყველა ახალი ამბავი
0