საძაგლიშვილი: რურუა მოარიდეს ადგილს, რადგან ის აქტიურად მონაწილეობდა საპროტესტო აქციებში
„როცა ადამიანს აკავებ, მისი გაჩხრეკა უნდა მოხდეს ადგილზე. მას შემდეგ, რაც ის დატოვებს იმ ადგილს და მანქანასთან სხვა პირებს აქვთ წვდომა, ბუნებრივია, არსებობს შესაძლებლობა, რომ იმ მანქანაში მოთავსდეს ნივთები, რომელიც არ ეკუთვნის ამ პირს“, – აცხადებს დიმიტრი საძაგლიშვილი.
ადვოკატი დარწმუნებულია, რომ გიორგი რურუას დაკავების მიზეზი მისი პოლიტიკური აქტიურობაა.
შინაგან საქმეთა სამინისტროს ინფორმაციით, „მთავარი არხის“ ერთ-ერთ დამფუძნებელს გიორგი რურუას იარაღის უკანონო შეძენა-შენახვა-ტარებას ედავებიან.
