თბილისი, 12 ნოემბერი — Sputnik. წყალტუბოს მუნიციპალიტეტის სოფელ ნამოხვანის ტყეში ხანძარს რამდენიმე საათია ებრძვიან, აცნობეს „Sputnik-საქართველოს" საგანგებო სიტუაციების სამსახურში.
ცეცხლი ტყეში ორშაბათს, საღამოს გაჩნდა და ოთხ ჰექტარ მიწაზე ბალახსა და ეკალ-ბარდებზე გავრცელდა.
ადგილზე ხუთი სახანძრო-სამაშველო ბრიგადა მუშაობს და ცეცხლის ლოკალიზებას ცდილობს.
გავრცელებული ინფორმაციით, ცეცხლის დასახლებულ პუნქტამდე გავრცელების საშიშროება არ არსებობს.
