დღეს საზოგადოებრივი მოძრაობა „ლელოს“ ახალი წევრები წარადგინეს

© Sputnik / Vladimir Umikashviliმამუკა ხაზარაძე
მამუკა ხაზარაძე - Sputnik საქართველო
გამოწერა
საქართველოში უმსხვილესი TBC Bank-ის დამფუძნებელმა პოლიტიკით დაკავება მას შემდეგ გადაწყვიტა, რაც მის და მისი ბიზნეს-პარტნიორის ბადრი ჯაფარიძის წინააღმდეგ სისხლის სამართლის საქმე აღიძრა.

თბილისი, 1 ნოემბერი — Sputnik. საზოგადოებრივი მოძრაობა „ლელოს“ დამფუძნებელმა მამუკა ხაზარაძემ „ლელოს“ კიდევ 12 წევრი წარადგინა, იუწყება საზოგადოებრივი მოძრაობის გვერდი Facebook-ში.

„ლელოს“ ახალი წევრები არიან: თორნიკე ჩიქოვანი - იურისტი, არასამთავრობო ორგანიზაცია „უფლებების ლიგის” პრეზიდენტი; გოგიტა დათუკიშვილი - ფარმაცევტი, ხარისხის მენეჯმენტის კონსულტანტი; მარინა მამუჩაშვილი - ფერმწერი, ამჟამად ხელოვნების პედაგოგი; გიორგი ზურებიანი - წარმოების მენეჯმენტის სპეციალისტი;

ალექსანდრე ჩუბინიძე - არქიტექტორი, პრაქტიკოსი, სამხატვრო აკადემიის და საქართველოს უნივერსიტეტის მოწვეული პროფესორი; გურამ დოლენჯაშვილი - მხატვარი, სამხატვრო აკადემიის საპატიო აკადემიკოსი; თამარ ბუაძე - ბიზნეს ადმინისტრირების სპეციალისტი, მარკეტოლოგი; თორნიკე ადამაშვილი - არასამთავრობო ორგანიზაცია „რეგიონული კინოს ასოციაციის” ხელმძღვანელი; ვაჩე ჩინჩალაძე - კვების პროდუქტების წარმოების ქართული კომპანიის კომერციული მენეჯერი; მამუკა მახარაძე - მწვრთნელი, სპორტსმენი; ნუკრი ტატიშვილი - პროფესიით ინჟინერ-გეოლოგი, შეფ-მზარეული; თამარ ჭალაგანიძე - კომუნიკაციების სპეციალისტი.

მამუკა ხაზარაძე - Sputnik საქართველო
ხაზარაძის საქმე – სასამართლოზე ადვოკატმა და პროკურორმა იკამათეს

მამუკა ხაზარაძემ 12 სექტემბერს საზოგადოებრივი მოძრაობა „ლელო" დააფუძნა და პირობა დადო, რომ მოგვიანებით მას პარტიად გარდაქმნიდა და 2020 წლის არჩევნებში მიიღებდა მონაწილეობას. მან საზოგადოებრივი მოძრაობის პრეზენტაციაზე განაცხადა, რომ მათ რიგებში ცნობილი პოლიტიკოსები არ იქნებიან, მის გეგმაშია თითოეული სფეროდან 12 ყველაზე წარმატებული ადამიანის მოძიება და შემოკრება.

დღეისათვის ხაზარაძე და ჯაფარიძე მხოლოდ TBC Bank-ის აქციონერები არიან. საქართველოს მთავარი პროკურატურის გადაწყვეტილებით, მათი ანგარიშები საქართველოში დაყადაღებულია.

ყველა ახალი ამბავი
0