კუზანოვების ოჯახის ყველაზე ხშირი სტუმარი მასმედია ხდება. კარდიოლოგი დიდი სიხარულით მასპინძლობს სხვადასხვა გადაცემებს და ტელეეკრანებზე ინტენსიურად ჩნდება. გუგა და ნინო ერთად გატარებულ ერთ რუტინულ დღეს ყველას უზიარებენ. ნინო საკუთარ გარდერობსაც კი Instagram-ის ოფიციალურ გვერდზე აქვეყნებს და ქალბატონების აღფრთოვანებული კომენტარები არ წყდება.
აღსანიშნავია, რომ ნინომ და გუგამ ერთადერთი ქალიშვილი ამ ზაფხულს დააოჯახეს. ექიმის ოფიციალურ გვერდზე დაყრდნობით ირკვევა, რომ ბაია კუზანოვთან დაშორება მას ძალიან გაუჭირდა. მოკრძალებული ქორწილი ბაიამ სახლის ეზოში გადაიხადა, სადაც წყვილმა 50-მდე სტუმარი მოიწვია. მიუხედავად იმისა, რომ ნინო თავის ხასიათს მძიმეს უწოდებს, ამბობს, რომ სიძესთან შეუდარებელი ურთიერთობა აქვს. ბაიას რჩეული საზოგადოებისთვის ნაკლებად ცნობილი გიორგი ბეჟაშვილია. ნინოს ახალი ფოტო სწორედ ამ დღეს უკავშირდება. სახლის ეზოში გადაღებულ სურათზე ნინო ბრწყინვალედ გამოიყურება.
ნინოს მუქ ვარდისფერ კაბაში გადაწყვეტილი „ლუქი“ განსაკუთრებულად უხდება. ტანწერწეტა ქალბატონი კლასიკურ სტილს ისევე იხდენს, როგორც სპორტულს. ნინო და ია ფარულავა დიდი ხნის მეგობრები არიან, როგორც ჩანს, კარდიოლოგი დაქალის მსგავსად თავს ძალიან უვლის. მეგობრები კომენტარებში აღნიშნავენ, რომ ნინოს ასაკი ვერაფერს აკლებს. გამოქვეყნებულ უახლეს ფოტოს ნინომ „ცეკვა სიდედრული“ უწოდა. მისი გარეგნობით მოხიბლული მეგობრები აღტაცებას ვერ მალავენ – „სიდედრი და ასეთი სილამაზე?! ახალგაზრდა სიდედრი ბევრია, მაგრამ შენნაირი ლამაზი, ჭკვიანი, სუპერ გემოვნებიანი, ხალისიანი... მართლა საქართველოში პირველი ხარ!“
