თბილისი, 6 ოქტომბერი — Sputnik. გარემოს ეროვნული სააგენტო აფრთხილებს მოსახლეობას, რომ საქართველოში ამინდი მკვეთრად გაუარესდება და უხვმა ნალექმა შეიძლება გამოიწვიოს მეწყრულ-ღვარცოფული პროცესები და წყალმოვარდნები მთაში.
სააგენტოს ვებგვერდზე ნათქვამია, რომ 6 ოქტომბერს დღის ბოლოდან 7 ოქტომბრის დღის პირველ ნახევრამდე საქართველოში, ძირითადად ქვეყნის დასავლეთ ნაწილში, მოსალოდნელია წვიმა ელჭექით, ზოგან ძლიერი. შესაძლებელია სეტყვა, ქარის გაძლიერება.
შავ ზღვაზე მოსალოდნელია 2-3 ბალიანი ღელვა.
მოსალოდნელმა ძლიერმა ნალექებმა შეიძლება გამოიწვიოს დასავლეთ საქართველოს მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესები.
