მომღერალმა ნინი ბადურაშვილმა ტელეკომპანია „იმედში“ გადაცემა „იმედის დილაში“ ბიზნესმენ გიორგი ჩიკვაიძესთან ურთიერთობაზე ისაუბრა. ბადურაშვილი გადაცემაში მასთან ერთად იმყოფებოდა და რამდენიმე დღის წინ კანში ყოფნის დეტალებზე საუბრობდა.
ბადურაშვილმა აღნიშნა, რომ გიორგისთან მხოლოდ მეგობრული ურთიერთობა აკავშირებს და ძალიან შეწუხებულია კითხვებით, რომელიც მათ სასიყვარულო ურთიერთობას ეხება. რაც შეეხება მის ჩასვლას კანში, ეს გიორგის სიურპრიზი იყო. მან, რადგან იცოდა, რომ ბავშვობიდან მაიკლ ჯექსონის დიდი თაყვანისმცემელია და კანში ჯექსონების ოჯახის საღამო იმართებოდა, იქ დაპატიჟა.
რამდენიმე თვეა, საზოგადოების ყურადღება მომღერალ ნინი ბადურაშვილისკენაა მიპყრობილი. მიზეზი მისი და ბიზნესმენ გიორგი ჩიკვაიძის ხშირი ერთად გამოჩენაა.
გიორგი ჩიკვაიძე და ნინი ბადურაშვილი ამ ზაფხულს საფრანგეთში მეორედ იყვნენ ერთად. წინა ვიზიტის დროს ისინი საქმიან მოლაპარაკებებზე იმყოფებოდნენ და დასვენებაც მოახერხეს, ამჯერად კი დაჯილდოების ცერემონიაში მიიღეს მონაწილეობა, სადაც გიორგი ჩიკვაიძის კომპანია გახდა საუკეთესო. დაჯილდოების ცერემონიაზე, რომელიც საფრანგეთში ჩატარდა, ნინი ბადურაშვილმაც იმღერა.
