საქართველოში საპარლამენტო არჩევნებისთვის 42 მლნ ლარს გამოყოფენ

© Sputnik / Denis Aslanovარჩევნები
არჩევნები - Sputnik საქართველო
გამოწერა
ხელისუფლება 2020 წლის საპარლამენტო არჩევნებზე 25%-ით მეტს დახარჯავს, ვიდრე ბოლო, 2016 წლის საპარლამენტო არჩევნებზე დახარჯა.

თბილისი, 1 ოქტომბერი — Sputnik. საქართველოს მომავალი წლის სახელმწიფო ბიუჯეტის პროექტის თანახმად, 2020 წელს ქვეყნის ცენტრალური საარჩევნო კომისია დაახლოებით 72,6 მლნ ლარს მიიღებს, საიდანაც 42 მილიონი ლარი საპარლამენტო არჩევნებზე დაიხარჯება.

სახელმწიფო ბიუჯეტის პროექტი მთავრობის სხდომაზე უკვე გაიტანეს. თითოეულმა მინისტრმა მომავალი წლის მუშაობის მოკლე გეგმები წარმოადგინა და მოსალოდნელ ხარჯებზე ისაუბრა.

ბოლო წლებში საარჩევნო ხარჯები

2016 წელი  საპარლამენტო არჩევნები   33 547 700 ლარი
2017 წელი  ადგილობრივი თვითმმართველობის არჩევნები 33 964 500
2018 წელი  საპრეზიდენტო არჩევნები 49 926 900
2020 წელი  საპარლამენტო არჩევნები 41 953 200

თუ პარლამენტში პროექტის განხილვის პროცესში ცვლილებები არ იქნება შეტანილი, არჩევნებთან დაკავშირებით პარტიებისა და არასამთავრობო ორგანიზაციების დაფინანსება 14,3 მლნ ლარს გადააჭარბებს. ეს დაახლოებით იმავე რაოდენობის თანხაა, რაც ბოლო საპრეზიდენტო არჩევნებისთვის იყო გამოყოფილი, თუმცა მეტი, ვიდრე ბოლო საპარლამენტო არჩევნების დროს (დაახლოებით 12,8 მლნ ლარი).

საქართველოში 2020 წლის შემოდგომაზე მეათე მოწვევის პარლამენტის არჩევნები გაიმართება. ხელისუფლება დაგეგმილი არჩევნებისთვის საარჩევნო სისტემის ცვლილებას დათანხმდა – შერეული სისტემის პროპორციულით შეცვლას, ანუ არჩევნები მხოლოდ პარტიული სიებით ჩატარდება.

საქართველოს 2020 წლის კონსოლიდირებული ბიუჯეტი 16 მილიარდი ლარია. მიმდინარე ხარჯები შეადგენს 11,3 მლრდ ლარს ანუ მშპ-ის 23,5%-ს. ბიუჯეტი ითვალისწინებს 5%-იან ეკონომიკურ ზრდას, ბიუჯეტის დეფიციტი კი დაგეგმილია 2,7%-ის დონეზე.

ყველა ახალი ამბავი
0