თბილისი, 29 სექტემბერი - Sputnik. ესპანეთის კუნძული ტენერიფე მთლიანად ელექტროენერგიის გარეშე დარჩა, იუწყება РИА Новости ქალაქ სანტა-კრუს-დე-ტენერიფეს მერიაზე დაყრდნობით.
„საუბარია პრობლემაზე მთლიანად კუნძულზე. ჩვენ ვცდილობთ დავადგინოთ, რა მოხდა და როგორ გადავჭრათ სწრაფად პრობლემა. ბოდიშს ვიხდით შეფერხებისთვის“, - ნათქვამია მერიის განცხადებაში Twitter-ზე.
⚠️ Fallo eléctrico general en toda la Isla. En contacto con @Endesa
— Cabildo de Tenerife (@CabildoTenerife) September 29, 2019
Sin incidencias en @carreterasTF. Generadores de emergencia arrancados con normalidad y operativo activado.@tranviatenerife no operativo, vehículos parados, sin afectar a la circulación.
Seguimos informando pic.twitter.com/pRws1mJupN
ელექტროენერგიის გათიშვის გამო ჩაქრა ყველა შუქნიშანი, საგზაო მოძრაობის რეგულირებაში მერიამ სამართალდამცველების დამატებითი ძალები ჩართო.
ენერგოკომპანია Endesa იუწყება, რომ პრობლემის აღმოფხვრას ექვსი საათი დასჭირდება.
დენის გათიშვასთან დაკავშირებით ოფიციალური განცხადება არ არის.
აეროპორტები - ჩრდილოეთ ტენერიფე და სამხრეთ ტენერიფე ნორმალურ რეჟიმში მუშაობენ, იქ ამოქმედდა ავტონომიური ენერგოსიმძლავრეები. საკუთარი ელექტროგენერატორები ამუშავდა საავადმყოფოებშიც. ინციდენტების უმრავლესობა უკავშირდება ლიფტების გაჩერებას, სადაც ადამიანები ჩარჩნენ, ასევე ავტოფარეხების ავტომატურ ჭიშკრებს, რომლებიც ასევე არ მუშაობს.
