თბილისი, 24 სექტემბერი — Sputnik. ბაქოში მიმდინარეობს აზერბაიჯანის, თურქეთისა და საქართველოს სპეციალური დანიშნულების ძალების ერთობლივი წვრთნები „კავკასიის არწივი 2019", იუწყება „Sputnik-აზერბაიჯანი" ქვეყნის თავდაცვის სამინისტროზე დაყრდნობით.
სამი ქვეყნის სამხედრო მოსამსახურეები შეასრულებენ საჰაერო კომპონენტების გამოყენებით პირობითი მიზნის განადგურების, მძევლების გათავისუფლების, დაჭრილების ევაკუაციისა და სხვა ამოცანებს.
სწავლება 1 ოქტომბრამდე გაგრძელდება. მასში დამკვირვებლების სახით ასევე მონაწილეობენ პაკისტანელი სამხედროები.
სწავლება Qafqaz Qartalı („კავკასიის არწივი") 2009 წლიდან პერიოდულად ტარდება. ბოლო წვრთნები 2017 წლის 5-14 ივნისს გაიმართა.
