თბილისი, 14 სექტემბერი — Sputnik. აღმოსავლეთ-დასავლეთის ავტომაგისტრალის გორის მონაკვეთზე მსუბუქ ავტომობილს ხანძარი გაუჩნდა, იუწყება პირველი არხი.
თვითმხილველების ინფორმაციით, ცეცხლი Mercedes-ის მარკის მსუბუქ ავტომობილს გაუჩნდა. ადგილზე მობილიზებული იყო სახანძრო-სამაშველო სამსახურის რამდენიმე ჯგუფი.
შემთხვევის ადგილზე უსაფრთხოების მიზნით თბილისის მიმართულებით ავტომობილების გადაადგილება დროებით შეჩერდა. ცეცხლის ლოკალიზების შემდეგ კი, მოძრაობა კვლავ განახლდა.
არსებული ინფორმაციით, შემთხვევის შედეგად არავინ არ დაშავებულა.
ამ დროისთვის ხანძარი ლიკვიდირებულია.
