ნინი ბადურაშვილი, თაყვანისმცემლების დიდი მოლოდინის შემდეგ, 2012 წელს დაოჯახდა. მისი რჩეული ბიზნესმენი ირაკლი კუტალაძე გახდა. ამ ქორწინებიდან ნინის ქალიშვილი ელენე ჰყავს. მომღერალმა Facebook-ზე ახალი ფოტოები გამოაქვეყნა. ნინი და მისი ქალიშვილი ცნობილი გამოცემის HELLO! GEORGIA-ს ნომერში მოხვდნენ. ნინის ქალიშვილი ნამდვილი ანგელოზია. პატარა გოგონა კამერის წინ მოხდენილად პოზირებს და დახვეწილი ნაკვთებით გამოირჩევა.
ელენე უკვე 6 წლისაა. ნინი ბადურაშვილი მას სკოლაში წასაყვანად ამზადებს. სწორედ ამ თემატიკის ფოტოსესია გამოაქვეყნა ცნობილმა ჟურნალმა. პატარა ელენე საკლასო ოთახში წიგნებთან, გლობუსთან და სასკოლო ინვენტართან პოზირებს. საკმარისია პოპულარულმა მომღერალმა შვილის ახალთახალი ფოტოები გამოაქვეყნოს და ელენეს განხილვა არ წყდება.
ნინის მიერ გამოქვეყნებული ვიდეოებიდან ირკვევა, რომ მასში დედის გენეტიკა დომინირებს. ეკა კახიანი ვოკალში ამეცადინებს და პატარა ელენე მაღალ ტონალობაზე დედასავით მარტივად გადადის. ელენე, თავის მხრივ, მონდომებით მღერის როგორც ქართულ, ასევე ინგლისურენოვან სიმღერებს. ბადურაშვილის მიერ გამოქვეყნებულ ფოტოს რამდენიმე საათში 5 ათასზე მეტი მოწონება აქვს.
