ზურა მანჯავიძე: შეიძლება არ დამიჯეროთ და, ბუნებით საკმაოდ მორიდებული ვარ
„სულ გვეკითხებიან რატომ დაიშალეთო, არ დავშლილვართ, ფორმაში ვართ და როდესაც არის ამის საშუალება ისევ გამოვდივართ სცენაზე, ახალ სიმღერებსაც ვწერთ. ჩემს უფროს შვილებს ორივეს აქვს მუსიკალური მონაცემები. არიან ადამიანები, რომლებსაც სმენის ნაკლებობა აქვთ და შენთან ერთად როცა უნდათ სიმღერა აჩუმებენ და აკომპლექსებენ, მე პირიქით ვარ. როცა სამეგობრო წრეში ხარ, რატომ არ უნდა იმღეროს, თუკი ემღერება“- ამბობს ზურა მანჯავიძე სატელევიზიო გადაცემაში.
მომღერალი ზურა მანჯავიძე ამბობს, რომ ბევრი ისეთი მომღერალი იცის, ვისაც სმენის ნატამალი არ აქვს, მაგრამ თავისი სილაღით და უშუალო ურთიერთობებით თავს არასოდეს იკომპლექსებდა, მერე სმენაც გამოუმუშავდა და ხმაც აღმოაჩნდა.
