თბილისი, 22 აგვისტო — Sputnik. ქართველმა კანოისტმა ზაზა ნადირაძემ მსოფლიოს ჩემპიონატზე 200-მეტრიან დისტანციაზე საკვალიფიკაციო გაცურვაში საუკეთესო დრო აჩვენა. ჩემპიონატი უნგრეთის ქალაქ სეგედში მიმდინარეობს.
კლასში კანოე С1 ნადირაძემ დისტანცია 38,63 წამში დაფარა და საუკეთესო დროით ნახევარფინალში მოხვდა. შედარებისთვის, მსოფლიოს სამგზის ჩემპიონმა, ბელარუსმა არტიომ კოზირმა თავის გაცურვაში დრო 39,16 წამი აჩვენა.
შეჯიბრების ნახევარფინალები 24 აგვისტოს გაიმართება.
აღსანიშნავია, რომ ბაიდარით 200-მეტრიან დისტანციაზე ნახევარფინალში გავიდა ასევე ბადრი ყაველაშვილი. მან მეორე შედეგი აჩვენა – 34,36 წამი.
2018 წლის მსოფლიო ჩემპიონატზე ზაზა ნადირაძემ მეოთხე ადგილი დაიკავა, ხოლო შემდეგ ევროპის ჩემპიონატი მოიგო.
მსოფლიო ჩემპიონატი სეგედში 25 აგვისტომდე გაგრძელდება.
