თბილისი, 22 აგვისტო — Sputik. საქართველოს განათლების, მეცნიერების, კულტურისა და სპორტის სამინისტრო იმ ფაკულტეტების სიას აქვეყნებს, რომლებიც 2019-2020 სასწავლო წელს სახელმწიფოს მიერ სრულად დაფინანსდება.
უფასო სპეციალობებია: ქართული ფილოლოგია, აფხაზური ფილოლოგია, ისტორია, არქეოლოგია, ფილოსოფია, მათემატიკა, ფიზიკა, ქიმია, ბიოლოგია, ეკონომიკა, მშენებლობა და სხვ. სპეციალობების სრული ჩამონათვალი შეგიძლიათ იხილოთ „საკანონმდებლო მაცნეს“ ვებ-გვერდზე.
პროგრამულ დაფინანსებას მიიღებენ სახელმწიფოს მიერ დაფუძნებული შემდეგი უმაღლესი საგანმანათლებლო დაწესებულებები:
- სსიპ – ივანე ჯავახიშვილის სახელობის თბილისის სახელმწიფო უნივერსიტეტი - სულ 2,524,500 ლარი;
- სსიპ – საქართველოს ტექნიკური უნივერსიტეტი - 3,966,750 ლარი;
- სსიპ – ილიას სახელმწიფო უნივერსიტეტი - 900,000 ლარი;
- სსიპ – აკაკი წერეთლის სახელმწიფო უნივერსიტეტი - 2,124,000 ლარი;
- სსიპ – ბათუმის შოთა რუსთაველის სახელმწიფო უნივერსიტეტი - 1,017,000 ლარი;
- სსიპ – სოხუმის სახელმწიფო უნივერსიტეტი - 562,500 ლარი;
- სსიპ – იაკობ გოგებაშვილის სახელობის თელავის სახელმწიფო უნივერსიტეტი - 587,250 ლარი;
- სსიპ – სამცხე-ჯავახეთის სახელმწიფო უნივერსიტეტი - 659,250 ლარი;
- სსიპ – გორის სახელმწიფო სასწავლო უნივერსიტეტი - 135,000 ლარი;
- სსიპ – შოთა მესხიას ზუგდიდის სახელმწიფო სასწავლო უნივერსიტეტი - 247,500 ლარი.
აღსანიშნავია, რომ მიმდინარე წლის თებერვალში მინისტრმა მიხეილ ბატიაშვილმა პარლამენტში სიტყვით გამოსვლისას განაცხადა, რომ ე.წ. უფასო ფაკულტეტები წელს ისევ შენარჩუნდება, ხოლო მომავალი წლიდან უნივერსიტეტების დაფინანსების ახალი მოდელი დაინერგება.
