თბილისი, 21 აგვისტო — Sputnik. სურსათის ეროვნულმა სააგენტომ შიდა ქართლის რეგიონში აგროქიმიკატებისა და პესტიციდების სარეალიზაციო 31 ობიექტი შეამოწმა, ნათქვამია უწყების მიერ გავრცელებულ განცხადებაში.
გავრცელებული ინფორმაციით, შემოწმებული ობიექტებიდან 17 დაჯარიმდა. აქედან 13 ბიზნეს-ოპერატორი დაფასოების, მარკირების, რეალიზაციის წესების დარღვევის გამო დააჯარიმეს. ოთხ შემთხვევაში კი გამოვლინდა ვადაგასული პესტიციდების განთავსების ფაქტი, რაზეც, სააგენტოს ინფორმაციით, განხორციელდა კანონმდებლობით გათვალისწინებული ღონისძიებები.
უწყების ინფორმაციით, ბიზნეს-ოპერატორები დაჯარიმდნენ 2 000 ლარით. მათ დაევალათ ვადაგასული ქიმიკატების ბაზრიდან ამოღება და შესაბამისი წესების დაცვით განადგურება, რასაც ზედამხედველობას სურსათის ეროვნული სააგენტო გაუწევს.
