თბილისი, 16 აგვისტო — Sputnik. საქართველოს შინაგან საქმეთა სამინისტროს თანამშრომლებმა თბილისში იარაღის უკანონო შეძენა-შენახვა-ტარების ბრალდებით ერთი პირი დააკავეს.
სამართალდამცავებმა დაკავებულის ჩხრეკისას ცეცხლსასროლი იარაღი, მჭიდი და 13 საბრძოლო ვაზნა ნივთმტკიცებად ამოიღეს.
დანიშნულია შესაბამისი ექსპერტიზები.
გამოძიება ცეცხლსასროლი იარაღის უკანონო შეძენა-შენახვა-ტარების ფაქტზე მიმდინარეობს, სსკ-ის 236-ე მუხლის მესამე და მეოთხე ნაწილებით, რაც ოთხიდან შვიდ წლამდე პატიმრობას ითვალისწინებს.
