სენსაცია: თურქეთში სავარაუდოდ თამარ მეფის შვილიშვილის საფლავი იპოვეს

© Photo: Aa.com.trგურჯი ხათუნის სავარაუდო სარკოფაგი
გურჯი ხათუნის სავარაუდო სარკოფაგი - Sputnik საქართველო
გამოწერა
НовостиTelegram
გურჯი ხათუნის საფლავთან ერთად ასევე აღმოჩენილია მისი შვილის, სულთან ალაედინ ქეიყუბად II-ის სარკოფაგიც.

თბილისი, 16 აგვისტო — Sputnik. თურქეთის ქალაქ ერზერუმის პასინლერის რაიონში მიმდინარე არქეოლოგიური გათხრებისას, სავარაუდოდ, თამარ მეფის შვილიშვილის, გურჯ ხათუნად წოდებული თამარის საფლავი იპოვეს, იუწყება საქართველოს საელჩო თურქეთში. 

ანგელოზი - Sputnik საქართველო
ამბავი გურჯი ხათუნისა: თურქეთ-ირანის მზე და ციური ანგელოზი ცოდვილ მიწაზე

გურჯი ხათუნის საფლავთან ერთად ასევე აღმოჩენილია მისი შვილის, სულთან ალაედინ ქეიყუბად II-ის სარკოფაგიც.

საელჩო წერს, რომ აღნიშნული საკითხის მოკვლევას იწყებს.

თამარი, იგივე გურჯი ხათუნი საქართველოს მეფის, რუსუდანისა და მოღის ედ-დინის ასული იყო. ის 1236 წელს რუმის სულთან ყიას ედ-დინ ქეი ხუსრვე II-ს მიათხოვეს. თამარმა დიდი გავლენა მოიპოვა სულთნის კარზე. სულთანმა 1236 წელს მოჭრილ ფულზე სიმბოლურად ამოატვიფრინა მისი სახე (მზე ლომის ზოდიაქოში). ასე შეიქმნა აღმოსავლეთში ცნობილი ემბლემა შირ-უ-ხირშიდ (ლომი და მზე), რომელიც შემდგომ სელჩუკის სხვა სულთნებმაც გამოიყენეს და მოგვიანებით სპარსეთშიც დამკვიდრდა.

სულთნის გარდაცვალების შემდეგ ქვეყნის გამგებლობა ხელთ იგდო ვეზირმა მუინ ედ-დინ სულეიმან ფერვანამ და იმდროინდელი ტრადიციების მიხედვით სულთნის ქვრივი – გურჯი-ხათუნი ცოლად შეირთო. გურჯი-ხათუნი მეგობრობდა აღმოსავლეთის უდიდეს პოეტ ჯალალ ალ-დინ რუმისთან. დედოფლის მცდელობით შეიქმნა რუმის პირველი პორტრეტი. მისივე უშუალო ხელმძღვანელობით აშენდა პოეტის მწვანე თურბეც (აკლდამა), რომელიც სელჩუკური არქიტექტურული მშვენებაა.

 

 

 

 

ყველა ახალი ამბავი
0