თბილისი, 16 აგვისტო — Sputnik. დედოფლისწყაროს მუნიციპალიტეტის სოფელ სამრეკლოში უბედურ შემთხვევას 62 წლის მამაკაცი ემსხვერპლა, იუწყება საზოგადოებრივი მაუწყებლობის პირველი არხი.
10 იანვარი 2019, 15:16
ადგილობრივების ინფორმაციით, შემთხვევის დროს მამაკაცი სატვირთო ავტომობილის ქვეშ იმყოფებოდა და მის შეკეთებას ცდილობდა, როდესაც ავტომობილი დაგორდა და მამაკაცს გადაუარა.
ადგილზე სასწრაფო-სამედიცინო დახმარების ბრიგადა იყო მობილიზებული, თუმცა დაშავებულის გადარჩენა ვერ მოხერხდა.
მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის ექსპლუატაციის წესების დარღვევას გულისხმობს.
