თბილისი, 15 აგვისტო — Sputnik. მაშველებმა სვანეთში, მწვერვალ თეთნულდზე დაკარგული ორი ტურისტი გარდაცვლილი იპოვეს, ერთი კი დაშავებულია, ნათქვამია საგანგებო სიტუაციების მართვის სამსახურის მიერ გავრცელებულ განცხადებაში.
სამი ტურისტი ქალის კურორტ თეთნულდზე დაკარგვის შესახებ ინფორმაცია 112–ში გუშინ, ღამით შევიდა.
უწყების ცნობით, ბელარუსიის ორი მოქალაქე გარდაცვლილი, ხოლო ერთი - დაშავებულია. დაშავებულის ჯანმრთელობის მდგომარეობა მძიმეა.
სამაშველო-სამძებრო ოპერაცია მთელი ღამის განმავლობაში უწყვეტ რეჟიმში მიმდინარეობდა. დილით კი მასში სასაზღვრო პოლიციის ვერტმფრენიც ჩაერთო.