„ხელიდან არ გაუშვა კარგად აღზრდილი გოგო...“ -გიორგის ნინისთან დაკავშირებით რჩევებს აძლევენ

მომღერალისა და ტელეწამყვანის ნინი ბადურაშვილის პირადი ცხოვრება ყოველთვის საზოგადოების განხილვის თემაა. ტაბლოიდებს არასდროს რჩებათ უყურადღებოდ მისი არცერთი მეგობარი მამაკაცი, თუ აქტიური თაყვანისმცემელი, შესაბამისად, მის სოციალურ ქსელსაც აქტიური მიმდევრები ჰყავს.

რამდენიმე დღის წინ ნინის ახალმა აქტიურობამ, სოციალური ქსელის მომხმარებლებს ჭორაობის ახალი საბაბი მისცა. ნინი ჯერ აეროპორტში დაფიქსირდა მეგობარ მამაკაცთან ერთად, ახლა კი პერიოდულად აქვეყნებდა მასთან ერთად „სთორებს“ საფრანგეთიდან.

ნინის პარტნიორი კი არც მეტი, არც ნაკლები ახალგაზრდა ბიზნესმენი გიორგი ჩიკვაიძეა, რომელიც სა­ქარ­თვე­ლოს ფარ­გლებს გა­რეთ ცნო­ბი­ლია სა­ხე­ლით - რამ­ზე­სი. პროფესიით ვე­ტე­რი­ნა­რი მდიდ­რუ­ლი იახ­ტე­ბის ბიზ­ნეს­შია და ხშირად ჩნდება მოდურ წვეულებებზე.

როგორც ერთ-ერთ ინტერვიუში გიორგი ჩიკვაიძე ამბობს, ნინი ბადურაშვილის კლასელი იყო და ბავშვობაში დიდი ხნის განმავლობაში უყვარდა.

„მთელი ბავშვობა მიყვარდა, მაგრამ ჩვენ ერთად ვერ ვიქნებოდით, სხვანაირი ბიჭები მოსწონდა. დღეს ის ჩემი ერთ-ერთი საუკეთესო მეგობარია. ჩემი თავის გამკვირვებია დღეს, როდესაც ჩემთან ეს გრძნობა დამთავრდა, მაშინ დავიწყეთ მეგობრობა“, - ამბობდა გიორგი ჩიკვაიძე. რა მიზნით იმყოფებოდა წყვილი ერთად დასასვენებლად უცნობია, თუმცა ფაქტია, რომ დროს შესანიშნავად ატარებდნენ.

სოციალური გვერდების მომხმარებლებს რა თქმა უნდა ეს ფაქტი უყურადღებოდ არ დაუტოვებიათ. უმრავლესობა გიორგის არჩევანს უქებს და ურჩევს, ნინი არ დაკარგოს.

„ეს გოგო მუდამ მოღუშული რატომ არის, ბიჭი ხელის გულზე ატარებს, რავიცი უფრო რომ იმხიარულოს“, „ნინი ხელიდან არ გაუშვა. ულამაზესია მართლა და კარგად აღზრდილი გოგო, მითუმეტეს ბავშვობაში შენი ინტერვიუდან გავიგე, რომ გიყვარდა. ხოდა მიდი ბოლომდე. ლამაზი წყვილი ხართ ბედნიერები იყავით. ორივე იმსახურებთ ამას“, - უწერენ გიორგის ფოტოს კომენტარებში.

მომ­ღე­რალ და ტელეწამყვან ნინი ბა­დუ­რაშ­ვი­ლის პი­რა­დ ცხოვ­რე­ბას მა­ში­ნაც განიხილავდნენ, როდესაც ის გასათხოვარი იყო მაგრამ განსაკუთრებული აქტუალობა და კრიტიკული გამოხმაურება, რუ­სეთ­ში მცხოვ­რებ ბიზ­ნეს­მენ ირაკ­ლი კუ­ტა­ლა­ძესთან დაოჯახებამ გამოიწვია, რომლისგანაც 6 წლის გოგონა - ელენე ჰყავს. მასთან გან­ქორ­წი­ნე­ბის შემ­დეგ უფრო მე­ტად და­ი­წყეს პი­რა­დის „ქექ­ვა“.