თემურ თათარაშვილი: „შემოვიდა და მითხრა: გაიკეთებო? მე შემრცხვა მეთქვა...“
„არასოდეს მემჩნეოდა, რომ კაიფში ვიყავი, ერთადერთი, რითიც მეგობრები ხვდებოდნენ ის იყო, რომ აგრესიული ვხდებოდი. ნარკოტიკების გამო ბევრი რამ დავკარგე. იყო ასეთი შემთხვევა, როდესაც ერთ კაცს რაღაც საქმეში დავეხმარე და მან პატივისცემის ნიშნად ჰეროინი მომიტანა. მაშინ ქეთა თოფურიას დედამ გადამარჩინა“.
თემურ თათარაშვილი მიმართავს ადამიანებს, რომლებიც ნარკოდამოკიდებულები არიან, ვისაც აქვს ნებისყოფა, დროზე გაანებონ თავის ნარკოტიკებს. თავად უკვე აღარ არის ნარკოდამოკიდებული. ამბობს, რომ შეზიზღდა ნარკოტიკი, იმიტომ, რომ მისმა ახლობლებმა და ოჯახის წევრებმა ეს ამბავი ძალიან განიცადეს.
